ماسڪو-11 سيپٽمبر (اي پي پي) روس جي صدر ولاديمير پيوٽن چيو آھي ته اسان کي ڪنھن به پاسي کان فوجي جارحيت کي پوئتي ڌڪڻ لاءِ تيار رھڻ گھرجي. پرڏيهي ميڊيا مطابق ھن اوشن 2024 ع ڪمانڊ مشق ۾ شرڪت ڪندڙن کي خطاب ڪندي چيو ته ملڪ جي فوج کي ڪنھن به اڳرائي لاءِ تيار رھڻ گھرجي. ھن وڌيڪ چيو ته اسان جي ھٿياربند فوج کي روس جي خودمختياري ۽ قومي مفادن جو قابل اعتماد تحفظ فراھم ڪرڻ گھرجي ۽ سمورن پاسن سميت سامونڊي علائقن ۾ ڪنھن به فوجي جارحيت کي پوئتي ڌڪڻ گهرجي.