اسلام آباد – 30 آگسٽ (اي پي پي) صدر ممنون حسين چيو آهي ته شفافيت جي فروغ ۽ قومي ترقي جي لاءِ آڊيٽر جنرل آف پاڪستان جي اداري جي ڪردار نهايت اهم آهي، اها ڳالهه هن آڊيٽر جنرل آف پاڪستان جاويد جهانگير سان ملاقات دوران چئي جنهن پنهنجو عهدو سنڀالڻ کانپوءِ صدر سان هتي ايوان صدر ۾ ملاقات ڪئي. صدر هدايت ڪئي ته سرڪاري ادارن ۾ آڊٽ جي لاءِ اهل ماڻهن کي مقرر ڪيو وڃي ۽ ادارن جي آفيسرن ۽ ورڪرن جي تربيت ۽ صلاحيت کي وڌائڻ لاءِ جديد تربيتي طريقو اختيار ڪري.