حکومت پٹرولیم مصنوعات دے نرخاں ودھاوݨ دا فیصلہ کیتے، محمد اسحاق ڈار

اسلام آباد۔29جنوری (اے پی پی) وفاقی وزیر خزانہ سینیٹر محمد اسحاق ڈار آکھیا جو گزریل چار مہینے اچ عالمی مارکیٹ اچ تیل دے نرخاں اچ ودھارے پارؤں پاکستان اچ نرخ ڳھٹ کیتے ڳن، گزریل کجھ ݙینھ توں میڈیا اتے سوشل میڈیا تے پٹرولیم مصنوعات دےنرخ کتھائیں 40 پنجاہ اتے 80 روپے فی لیٹر تئیں ودھݨ دی خبراں ہن جئیں پاروں مصنوعی قلت پیدا تھی ڳی۔پٹرول اتے ہائی سپیڈ ڈیزل دے نرخاں اچ 35،35روپے اتے مٹی دے تیل اتے لائٹ ڈیزل دے نرخاں اچ 18 روپے فی لیٹر ودھارا کیتا ڳے۔ قیمتاں دا اطلاق سویلے یارھاں وڄے توں کیتا ویندا پے تانجو مصنوعی ڳھٹکی کرݨ آلیاں دی حوصلہ شکنی کیتی ونڄ سڳے۔ آݙت وار کوں میڈیا نال ڳالھ مہاڑ کریندیں ہوئیں انہاں آکھیا جو اوگرا ولوں نرخاں اچ ودھارے دی سمری مل ڳی اے۔ اسحاق ڈار آکھیا جو تیل دے نرخ عالمی نرخ اچ ودھارے اتے سٹیٹ بینک ولوں روپے دی قدر اچ ڳھٹکی بارے وزیر اعظم محمد شہباز شریف دی ہدایت تے نرخاں اچ ودھارے بارے اوگرا دی سمری نال اتفاق کریندیں ہوئیں آݙت وار سویلے یارھاں وڄے توں پٹرول دا نواں نرخ 249.82روپے فی لیٹر ، ہائی سپیڈ ڈیزل دا نواں نرخ 262.80 روپے فی لیٹر مٹی دے تیل دا نرخ 189.83روپے فی لیٹر اتے لائٹ ڈیزل دا نواں نرخ 187.00روپے فی لیٹر مقرر کیتا ڳے۔

مضمون کا ماخذ : جنگل کے راز

متعلقہ مضامین