چک شہزاد اچ جنوبی کوریا دے تعاون نال15 ایکڑ تے مشتمل آئی ٹی پارک دا افتتاح 25 مارچ کوں کیتا ویسی ، وفاقی وزیر انفارمیشن ٹیکنالوجی سید امین الحق دی پریس کانفرنس

اسلام آباد۔11مارچ (اے پی پی):وفاقی وزیر انفارمیشن ٹیکنالوجی سید امین الحق آکھیے جو وفاقی کابینہ ٹیلی کام سیکٹر کوں صنعت دا درجہ ݙیوݨ تے آندے مالی سال 22۔2021 اچ موبائل فون صارفین تے لاتے ڳئے ایڈوانس انکم ٹیکس کوں 12.5 فیصد توں گھٹ کرتے 10 فیصد جݙاں جو مالی سال 23۔2022 اچ اے ٹیکس 8 فیصد تئیں گھن آوݨ سودھے ٹیلی کمیونیکیشن سروسز تے لاتے ڳئے 17 فیصد فیڈرل ایکسائز ڈیوٹی کوں گھٹ کرتے 16 فیصد کرݨ دی منظوری ݙتی اے ، وفاقی دارالحکومت دے علاقہ چک شہزاد اچ جنوبی کوریا دے تعاون نال 15 ایکڑ تے مشتمل آئی ٹی پارک دا افتتاح اڄوکے مہینے25 مارچ کوں کیتا ویسی ، 2025 تئیں آئی ٹی برآمدات 5 ارب ڈالر تئیں پڄاوݨ دا ہدف مقرر کیتا ڳئے ، وݙے شہراں دے بعد انکوبیشن سنٹر فیصل آباد، پشاور، ملتان، حیدرآباد سودھے چھوٹے شہراں اچ وی قائم کیتے ویسن ،سیاحتی جاہواں اتے کاروباری مرکز کوں رابطے دی سہولت ݙیوݨ کیتے ہنگامی بنیاداں تے موبی لنک سودھے کوئی وی کمپنی صارفین دی شکایات دور نہ کریسی تاں وزارت انہاں دے خلاف کارروائی کریسی ، یوفون ݙوجھے نمبر دی کمپنی توں چوتھے نمبر دی کمپنی تے آڳئے ، پی ٹی سی ایل دی پرائیویٹائزیشن متعلق اتصالات ولوں واجب الادا رقم دی وصولی کیتے اتصالات دی انتظامیہ دے نال ڳالھ مہاڑ شروع کیتی ڳئی ۔

مضمون کا ماخذ : sorteios quina

متعلقہ مضامین