تعلیمی اداریں تے جامعات دے مسئلے حل کرݨ دی ہر ممکن کوشش کیتی ویسی ، نگران وفاقی وزیر تعلیم مددعلی سندھی
APP24-030923
KARACHI: September 03 - Caretaker Federal Minister for Education and Professional Training Madad Ali Sindhi talking to media persons at Karachi Press Club. APP/SDQ/TZD/ZID
کراچی۔ 03 ستمبر(اے پی پی) نگران وفاقی وزیر تعلیم مدد علی سندھی آکھیے تعلیمی اداریں اتے جامعات دے مسئلے حل کرݨ دی ہرممکن کوشش کیتی ویسی ،تاریخ اتے سائنس دے مضمون اچ وی پی ایچ ڈی استاداں دی لوڑھ اے ۔ اے ڳالھ انہاں اتوار کوں کراچی پریس کلب دا دورہ کرݨ دے موقع تے آکھی اے ۔ ایں موقع تے کراچی پریس کلب دے صدر سعید سربازی، سیکرٹری شعیب احمد ،نائب صدر مشتاق سہیل، گورننگ باڈی دے ممبران شمس کیریو ،ذوالفقار راجپر، پریس کلب دے سابق صدر فاضل جمیلی،سابق خزانچی وحيد راجپر، قاضی آصف، عاجز جمالی،راؤ افنان ،نواب شاہ اتے ٻئے صحافی وی موجود ہن۔نگران وفاقی وزیر تعلیم آکھیے ہائر ایجوکیشن اچ کراچی پریس کلب دے ممبران دے ٻالاں کیتے اسکالرشپ مختص کیتیاں ویسن تے اسلام آباد اچ وزارت تعلیم دی طرفوں صحافیاں کیتے ورکشاپ منعقد کیتی ویسی جیں اچ کراچی پریس کلب دے ممبران کوں خصوصی طور تے شرکت دی دعوت ݙتی ویسی ،سیکرٹری کراچی پریس کلب اپݨے ارکان دی فہرست ݙیون ۔ انہاں آکھیے سندھ سودھے سارے صوبیں اچ نوکری توں ریٹائرڈ عمررسیدہ صحافیاں کیتے انڈومنٹ فنڈ مقرر کرݨا چاہیدے جیڑھا انہاں کیتے ٻڈھاپے دا سہارا بݨے۔
