شنگھائی تعاون تنظیم دے اجلاس اچ علاقائی و بین الاقوامی امور تے پاکستان دا موقف اڳونہا کرݨ اچ مدد ملی، رکن ملکاں سیلاب متاثرین داہتھ ونݙاوݨ دا یقین ݙیوائے، دفتر خارجہ

اسلام آباد۔17ستمبر(اے پی پی)شنگھائی تعاون تنظیم (ایس سی او) دے سربراہان ریاست دی کونسل دا اجلاس ݙو ݙینھ چلݨ دے بعد ثمر قند اچ مکیے۔ وزارت خارجہ اعلامیہ جاری کیتے جو شنگھائی تعاون تنظیم دے اجلاس اچ علاقائی و بین الاقوامی امور تے پاکستان دا موقف اڳونہا کرݨ اچ مدد ملی، رکن ملکاں سیلاب متاثرین داہتھ ونݙاوݨ دا یقین ݙیوائے، 15 تے 16 ستمبر کوں ثمر قند اچ ایس سی او سربراہان ریاست دی کونسل دے اجلاس اچ پاکستانی وفد دی قیادت وزیراعظم محمد شہباز شریف کیتی۔ کونسل دا سالانہ اجلاس ایس سی او سانقے وݙا اہم ہوندے جیندے اچ تنظیم ولوں مستقبل دے اہداف سانڳے اہم فیصلے تھیندن۔ اجلاس اچ تنظیم دے سارے 8 رکن ملکاں دے سربراہان شرکت کریندن۔ ایس سی او دے چیئرمین ہوندے ازبکستان دے صدر ترکیہ دے صدر رجب طیب اردوان، آزربائیجان دے صدر الہام علیوف، آرمینیا دے وزیراعظم نکول پشنیان تے ترکمانستان دے صدر سردار بردی مخامی دوف کوں سݙیا ہا۔ مبصر ملکاں اچوں ایران، منگولیا اتے بیلا روس وی شرکت کیتی، ایس سی او دے سربراہان متفقہ ثمرقند اعلامیہ جاری کیتے جیندے اچ ایس سی او دے اجتماعی نقطہ نظر سانڳے اہم بین الاقوامی و علاقائی امور تے غور کیتا ڳئے۔

مضمون کا ماخذ : سشی ایکسپریس

متعلقہ مضامین