اسلام آباد۔19دسمبر (اے پی پی):پاکستان افغانستان اچ انسانی بحران ںال نبݨݨ ، خوراک دے تحفظ اتے اقتصادی بحالی دے علاوہ دہشت گردی کوں روکݨ دی غرض نال ادارہ جاتی صلاحیت ودھاوݨ کیتے چھی نکاتی حکمت عملی دی تجاویز پیش کرݙتن ۔ اتوار کوں پارلیمنٹ ہائوس اچ وزیر خارجہ شاہ محمود قریشی اسلامی تعاون تنظیم دے وزرائے خارجہ دی کونسل دے 17 ویں غیرمعمولی اجلاس توں آپݨے افتتاحی خطاب اچ افغان عوام دی مدد کی کیتے چھی نکاتی فریم ورک دی تجویز پیش کریندے ہوئیں اساکوں رکن ملکاں اتے ٻئے ڈونرزولوں وعدیں سودھے افغان عوام دی فوری پائیدار انسانی اتے مالی معاونت دی فراہمی کیتے او آئی سی دے اندر پلیٹ فارم قائم کرݨا چاہیدے ۔وزیر خارجہ آکھیے جو افغانستان کوں انسانی المیے توں بچاوݨ کیتے مسلم امہ اور عالمی برادری کوں آپݨا کردار نبھاوݨا ہوسی ۔ وزیر خارجہ آکھیے جو اساکوں افغان عوام کیتے ݙو پاسے یا او آئی سی دے ذریعے افغان نینگراں کوں تعلیم، صحت، تکنیکی اتے پیشہ ورانہ مہارت جیہے شعبیں اچ سرمایہ کاری کرݨ اتے اتفاق کرݨا چاہیدے۔ انہاں آکھیے جو او آئی سی، اقوام متحدہ اتے بین الاقوامی مالیاتی اداریں تے مشتمل ماہرین دا ھک گروپ تشکیل ݙتا ونڄے تاں جو افغان عوام دی جائز بینکاری نظام تئیں رسائی کوں سوکھا بݨاوݨ اتے افغان عوام دے لیکویڈیٹی چیلنجاں کوں گھٹ کرݨ دے طریقیں تے غور کیتا ونڄ سڳے ، انہاں آکھیے جو اساکوں افغان عوام دے غذائی تحفظ تے توجہ ݙیوݨی چاہیدی اے جݙاں جو فوڈ سکیورٹی متعلق اسلامی تنظیم کوں انہاں کوششاں دی قیادت کرݨی چاہیدی اے ۔
