سپیکر قومی اسمبلی اسد قیصر دا خصوصی کمیٹی دے اجلاس توں خطاب

اسلام آباد۔6اکتوبر (اے پی پی):سپیکر قومی اسمبلی اسد قیصر آکھیے جو صوبہ خیبر پختونخوا دے قبائلی ضلع اچ بدامنی دی وجہ توں معاشی سرگرمیاں متاثر تھئن اساں اتھاں معمول دی معاشی سرگرمیاں بحال کرݨ کیتے کم کریندے پیوں ، افغانستان اچ امن توں وسط ایشیا تئیں نویں رستے کھلسن جیں توں خطے اچ ترقی دا نواں دور آسی ۔ بدھ کوں پارلیمنٹ ہاؤس اچ قبائلی ضلعیں (سابق فاٹا) دی ترقی کیتے قائم خصوصی کمیٹی دا اجلاس تھئے جیں دی صدارت سپیکر قومی اسمبلی کیتی۔ اجلاس اچ سابق فاٹا توں تعلق رکھݨ آلے منتخب ارکان پارلیمنٹ شرکت کیتی۔ اجلاس اچ صوبہ خیبر پختونخوا وچ معاشی سرگرمیاں دی بحالی اتے اتھاں ترقیاتی منصوبیں اتے مسئلیں دے حل کیتے تفصیلی جائزہ ڳھدا ڳئے ۔ اجلاس دے بعد سپیکر ذرائع ابلاغ دے نمائندیں نال ڳال مہاڑ کریندے ہوئیں آکھیے جو صوبہ خیبرپختونخوا دی ترقی دا معاملہ کہیں حکومت تے اپوزیشن دا معاملہ کائنی اساں ساریں رل تے ایندا حل کڈھݨا اے ، انہاں آکھیے جو ماضی اچ فاٹا اچ بدامنی دی وجہ توں اتھاں دی معیشت متاثر تھئی اساں ایں معیشت کوں بحال کرݨا اے، ایں تناظر اچ اساکوں افغانستان دی صورتحال کوں وی ݙیکھݨا چاہیدے ، ایں سانڳے انہاں مشکلات کوں ختم کرݨا ضروری اے ۔

مضمون کا ماخذ : لوٹیریا وفاقی

متعلقہ مضامین