برسلز _ _19 اپريل (اي پي پي ) نيٽو جي سيڪريٽري جنرل زانز اسٽولن برگ چيو آهي ته دفاعي خرچ وڌائڻ اسان جي مجبوري آهي . تاس مطابق اسٽولن برگ برسلز ۾ واقع نيٽو هيڊ ڪوارٽرز ۾ هالينڊ جي نگران وزيراعظم مارڪ روٽ ، ڊينش وزيراعظم ميٽ فريڊريڪس ۽ چيڪ وزيراعظم پيٽر فيالا سان گڏيل پريس ڪانفرنس منعقد ڪئي . هن اسرائيل ۽ ايران وچ ۾ وڌندڙ ڇڪتاڻ ۽ خطي تي ان جي اثرن سميت يوڪرين کي هٿيارن جي فراهمي متعلق ڪيل سوال جي جواب ۾ چيو ته نيٽو رڪن ملڪ دنيا جي مجموعي عسڪري قوت جو اڌ آهي جيڪو قابليت ۾ به پنهنجو پاڻ کي مڃرائي چڪو آهي . اسٽولن برگ يوڪرين ۾ جاري جنگ ۽ وچ اوڀر جي صورتحال سان متعلق چيو ته نيٽو جي دفاعي خرچ ۾ اضافو اسان جي مجبوري آهي .