اسلام آباد – 26 – جولائي (اي پي پي) اطلاعات، نشريات، قومي ورثي ۽ ثقافت واري وفاقي وزير عطاءُ الله تارڙ چيو آهي ته خيبرپختونخواهه جي وڏي وزير جا بيان تضاد جو مجموعو آهن، هو اجلاسن ۾ ڪجهه ۽ جلسن ۾ ڪجهه ٻيو چوي ٿو، اسان انهن ج??ن مشڪلاتون سمجهون ٿا، انهن کي اڊيالا جيل ۾ به جوابده ٿيڻو پوي ٿو ۽ باني پي ٽي آءِ کي راضي به ڪرڻو هوندو آهي، جماعت اسلامي سان ڳالهين جي لاءِ تيار آهيون، لياقت باغ ۾ احتجاج تي اتفاق کانپوءِ اسلام آباد طرف مارچ جو ڪو جواز نه آهي. اها ڳالهه هن وفاقي وزير انجنيئر امير مقام سان گڏ پريس ڪانفرنس کي خطاب ڪندي چئي. اطلاعات واري وفاقي وزير چيو ته خيبرپختونخواهه جي وڏي وزير جا بيان تضاد جو مجموعو آهن، اجلاسن ۾ هو تعاون جي خاطري ڪرائي ٿو ۽ جلسن ۾ ڪجهه ٻيو چوي ٿو، اسان انهن ج??ن مشڪلاتون سمجهون ٿا، انهن کي اڊيالا جيل ۾ به جواب ڏيڻو هوندو آهي ۽ وڊيو ڪلپ ڏيکاري باني پي ٽي آءِ کي پڻ راضي ڪرڻو هوندو آهي. هن چيو ته انجنيئر امير مقام تي 8 ڀيرا دهشتگردن حملو ڪيو جنهن ج?? هن دليري سان مقابلو ڪيو. اطلاعات واري وفاقي وزير چيو ته طالبان کي واپس آڻيندڙ اڄ چون ٿا ته آپريشن ٿيڻ نه ڏينداسين، ٻئي طرف هو چون ٿا ته حالتون ٺيڪ ڪري وٺنداسين ۽ هڪ هٺيءَ قائم ڪرڻ نه ڏينداسين، آخر انهن ج?? منصوبو ڪهڙو آهي؟ هن چيو ته پي ٽي آءِ جي دور ۾ دهشتگردي ۾ اضافو ٿيو، ان دهشتگردن کي واپس آندو. وفاقي وزير چيو ته خيبرپختونخواهه ۾ وڻ وڍڻ جو اسڪينڊل پڻ سامهون آيو آهي، خيبرپختونخواهه جي ٻيلن وارو صوبائي وزير ۽ ٻيلي کاتي جا عملدار بٽگرام ۾ وڻ وڍڻ ۾ ملوث آهن. هن چيو ته وڏي وزير کي اڄ جلسي ۾ ٻڌائڻ گهرجي ها ته هن ٽمبر مافيا جي لاءِ ڪهڙا قدم کنيا؟ عطاءُ الله تارڙ چيو ته خيبرپختونخواهه حڪومت آرٽيفيشل انٽيلي جنس جي حوالي سان شاگردن جي تربيت جي لاءِ هڪ جعلي اداري سان معاهدي تي صحيحون ڪيون آهن، ان اداري ۾ موجود ماڻهن جي ڪا مناسب ڊگري موجود نه آهي ۽ نه ئي انهن جي آرٽيفيشل انٽيليجنس جي شعبي ۾ ڪا مهارت آهي، انهن وٽ ڪو اهڙو سيٽ اپ موجود نه آهي جنهن تحت اهي شاگردن کي تربيت ڏئي سگهن. هن چيو ته اها اهڙي ٽريننگ آهي جنهن ج?? عوام ۽ ٻارن کي فائدو نه پر نقصان ٿيندو. هن چيو ته خيبرپختونخواهه حڪومت آرٽيفيشل انٽيلي جنس جو جعلي معاهدو ۽ ڪوانٽم ڊپلوما جي شروعات ڪري هز??ري?? شاگردن کي بيوقوف بڻائي رهي آهي، ان ڪوانٽم آرٽيفيشل انٽيلي جنس جي سينٽر سان واڳيل ماڻهن جي ڪا مناسب سرٽيفڪيشن نه آهي ۽ جيڪي ان سينٽر کي هلائي رهيا آهن اهي دعويٰ ڪن ٿا ته انهن جي ايم آءِ ٽي مان پي ايڇ ڊي جي ڊگري حاصل ڪيل آهي جڏهن ته ايم آءِ ٽي وٽ انهن ج?? ڪو رڪارڊ موجود نه آهي. هن چيو ته خيبرپختونخواهه ۾ ڪوانٽم آرٽيفيشل انٽيلي جنس جي ڪورس جي لاءِ غيرقانوني طور تي معاهدي تي صحيحون ڪيون ويون جڏهن ته تربيت فراهم ڪندڙ اداري جي مناسب سرٽيفڪيشن به موجود نه آهي. ان اداري سان لاڳاپيل سمورن ماڻهن ج??ن سيلف ايوارڊنگ ڊگريون آهن، اهو غيرسنجيدگي جو مظاهرو آهي، هڪ طرف ٻيلي کاتي جا ماڻهو بٽگرام ۾ وڻ وڍي رهيا آهن ۽ ٻئي طرف اهي پشاور ۾ ويهي اهڙا جعلي معاهدا ڪري رهيا آهن ج??ڪي ڳڻتي جوڳا آهن ج??هن جي جاچ ٿيڻ گهرجي. اطلاعات واري وفاقي وزير سوال ڪيو ته آرٽيفيشل انٽيلي جنس جي حوالي سان خيبرپختونخواهه حڪومت ڪهڙي بنياد تي معاهدو ڪيو؟ وڏي وزير کي ان حوالي سان اڄ جلسي ۾ جواب ڏيڻ گهرجي ها. جماعت اسلامي جي ڌرڻي جي حوالي سان ڳالهائيندي اطلاعات واري وفاقي وزير چيو ته جماعت اسلامي کي لياقت باغ ۾ جلسي جي اجازت ڏني وئي هئي ۽ انتظاميا سان ان حوالي سان ايس او پيز طئي ڪيا ويا هئا، ان کانپوءِ اسلام آباد طرف اڳڀرائي سمجهه کان مٿانهون آهي. هن چيو ته روزانو ڪو نه ڪو گروهه رستا بلاڪ ڪري ڇڏي ٿو ۽ ڪيترن ئي ميلن تائين ٽريفڪ جام ٿي وڃي ٿي، جاڙن شهرن جي عوام کي اچڻ وڃڻ ۾ مشڪلاتن کي منهن ڏيڻو پوي ٿو، ايمبولينسن جي لاءِ پڻ مشڪلاتون پيدا ٿين ٿيون. هن چيو ته ايس او پيز انهي لاءِ طئي ٿيندا آهن ته توهان فلاڻي جڳهه تائين محدود رهو. هن چيو ته جماعت اسلامي جا اڳواڻ اسان جي لاءِ احترام لائق آهن، حافظ نعيم هڪ ڏاهو ۽ دورانديش سياستدان آهي، هن سدائين دانشمندي جو مظاهرو ڪيو آهي، حڪومت ساڻس ڳالهين جي لاءِ ٽيم جوڙڻ لاءِ تيار آهي. اطلاعات واري وفاقي وزير چيو ته وزيراعظم شهباز شريف معاشي سڌارن واري ايجنڊا تي قائم آهي، ايف بي آر جي ڊيجيٽلائيزيشن ڪئي پئي وڃي، معيشت کي دستاويزي شڪل ڏني پئي وڃي، لکين نان فائيلرز کي فائيلرز بڻايو ويو آهي جنهن جا ثمر سامهون اچي رهيا آهن. هن چيو ته تازو حڪومت بجلي جي بلن جي مد ۾ 50 ارب رپين جي سبسڊي ڏني، 200 يونٽ استعمال ڪندڙ پروٽيڪٽيڊ ۽ نان پروٽيڪٽيڊ صارفين جي لاءِ اها سبسڊي ڏني پئي وڃي جنهن سان انهن جي بجلي جي بلن ۾ گهٽتائي ٿيندي. اها سبسڊي ترقياتي بجيٽ ۾ ڪٽوتي ڪري ڏني پئي وڃي. هن چيو ته هن ڀيري پي ايس ڊي پي ۾ 200 ارب رپين جي ڪٽوتي ڪئي وئي ته جيئن عوام کي اضافي ٽيڪس نه ڏيڻو پوي. اطلاعات واري وفاقي وزير چيو ته معاشي سڌارن واري ايجنڊا ۾ پرائيويٽائيزيشن ۽ آئوٽ سورسنگ پڻ شامل آهي، اسان معاشي سڌارن طرف تيزي سان وڌي رهيا آهيون، اسان عوام جي زندگين کي بهتر بڻائڻ چاهيون ٿا. هن چيو ته جماعت اسلامي جا سينيٽرز به موجود آهن، انهن کي ان تي ڳالهه ڪرڻ گهرجي ها، اسان جا دروازا هر وقت کليل آهن. هن چيو ته ملڪ جي بقاءَ ۽ ترقي جي لاءِ اسان کي گڏجي اڳتي وڌڻو آهي ۽ اسان جي ايجنڊا هن ملڪ جي مسئلن کي ختم ڪرڻ آهي. اطلاعات واري وفاقي وزير چيو ته 2018ع ۾ جڏهن مسلم ليگ (ن) اقتدار ڇڏي وئي ته ان وقت مهانگائي 4 سيڪڙو تي هئي، بجلي 8 رپيا في يونٽ هئي، واڌويجهه جي شرح 6 سيڪڙو هئي، ان کانپوءِ اڳئين چئن سالن ۾ هڪ به ترقياتي ڪم نه ڪيو ويو، هڪ شخص ملڪ کي قرضن جي بار هيٺ دٻايو، 190 ملين ج?? اسڪينڊل، توشه خانه جون گهڙيون وڪرو ڪري هن ملڪ کي اربين رپين ج?? نقصان پهچايو. اطلاعات واري وفاقي وزير چيو ته معاشي سڌارن جي ايجنڊا وزيراعظم محمد شهباز شريف جي اولين ترجيح آهي. هن چيو ته حافظ نعيم ڏاهو شخص آهي، هو اسان جي رهنمائي ڪري ته موجوده نظام ۾ رهندي ڪهڙي بهتري آڻي سگهجي ٿي. عطاءُ الله تارڙ چيو ته مسلم ليگ (ن) جي حڪومت کان اڳ ملڪ ڊيفالٽ جي ويجهو هو، ماڻهو ڳالهيون ڪري رهيا هئا ته هتي ايئر لائينز اچڻ بند ٿي وينديون، بئنڪن جي ٻاهر رقم ڪڍرائڻ جي لاءِ ماڻهن ج??ن ڊگهيون قطارون هونديون، ايل سيز بند هيون، آءِ ايم ايف جي ڊيل کي سبوتاز ڪرڻ جي لاءِ خط لکيا پئي ويا. رپئي جي قدر ايتري غيرمستحڪم هئي جو ايڪسپورٽرز پريشان هئا. هن چيو ته پي ڊي ايم دور ۾ رپئي کي مستحڪم ڪرڻ جي لاءِ قدم کنيا ويا، ملڪ ڊيفالٽ کان بچايو، اسمگلنگ جي خلاف ڪريڪ ڊائون ڪيو جنهن ۾ آرمي چيف ۽ عبوري حڪومت جو وڏو ڪردار آهي، جيڪو بنياد پي ڊي ايم دور ۾ رکيو ويو هو، عبوري حڪومت ان کي اڳتي وڌايو. اطلاعات واري وفاقي وزير چيو ته مسلم ليگ (ن) جي حڪومت جي معاشي قدمن جي ڪري اڄ مهانگائي جيڪا گذريل سال 23 سيڪڙو تي هئي، گهٽ ٿي 11 سيڪڙو تي اچي وئي آهي، عوام کي بجلي جي بلن ۾ سبسڊي ڏني پئي وڃي، دوست ملڪن سان اسان جي رابطن ۾ اضافو ٿيو آهي، سيڙپڪاري جي حوالي سان معاملا اڳتي وڌيا آهن، آءِ ايم ايف سان مشڪل معاملن کي طئي ڪيو ويو، آءِ ايم ايف معاهدي کانپوءِ اسٽاڪ ايڪسچينج ۾ تيزي آئي، معاشي انگ اکر بهتر ٿي رهيا آهن، م??ڪ مان رڪارڊ آءِ ٽي روانگي واپار ٿيو، انهن قدمن ۾ موجوده حڪومت جون وڏيون ڪوششون آهن. هن چيو ته اسان چاهيون ٿا ته جماعت اسلامي به ان ۾ پنهنجو حصو وجهي، اسان توهان کي گڏ ويهارڻ جي لاءِ تيار آهيون پر عام شهرين جي زندگين کي اجيرڻ بڻائڻ جي اجازت نه ٿي ڏئي سگهجي، اسان چاهيون ٿا ته ڇڪتاڻ واري سياست کان هٽي ڪري توهان اچو اسان سان ويهي ڳالهه ٻولهه ڪريو، حڪومت جي ڳالهين واري ٽيم انهن سان ڳالهيون ڪندي ۽ انهن جا خدشا ٻڌا ويندا ۽ انهن جا جيڪي به مطالبا هوندا ڪوشش ڪئي ويندي ته ان تي اڳتي وڌون. هن چيو ته جڳهه جڳهه تي ڌرڻن سان شهرين جي زندگي به مشڪل ٿيندي، جيڪي ماڻهو پنهنجي روزگار جي لاءِ نڪرن ٿا انهن جي لاءِ مشڪلاتون پيدا ٿينديون. هڪ سوال جي جواب ۾ اطلاعات واري وفاقي وزير چيو ته ڊي چوڪ ۾ ڪنهن کي ڌرڻي جي اجازت نه ٿي ڏئي سگهجي ڇو ته اتي حساس ٺڪاڻا ۽ سياسي عمارتون آهن، ڪار سرڪار ۾ ڪنهن به صورت ۾ مداخلت جي اجازت نه ٿي ڏئي سگهجي. ڊي چوڪ ۾ ڌرڻن جي رواج کي هاڻي ختم ٿيڻ گهرجي. هڪ ٻئي سوال جي جواب ۾ وفاقي وزير چيو ته اسان چاهيون ٿا ته پرامن طريقي سان معاملا حل ٿين، ڊي چوڪ مڪمل طور تي بند نه ٿئي، اتي ڪجهه انٽري پوائنٽس بند آهن. هڪ ٻئي سوال جي جواب ۾ هن چيو ته عظميٰ بخاري جي جعلي وڊيو جي معاملي جي جاچ جاري آهي، هڪ سياسي پارٽي جي ڪارڪن عورت جي نالي سان اڪائونٽ ٺاهي اها غليظ حرڪت ڪئي، ان معاملي جي جاچ ٿي رهي آهي. هڪ ٻئي سوال جي جواب ۾ هن چيو ته جيڪا بک هڙتال لنچ کانپوءِ شروع ٿئي ۽ ڊنر کان اڳ ختم ٿي وڃي اها بک هڙتال ناهي هوندي، پنجاب مان اپوزيشن ليڊر چيو ته اسان جي بک هڙتالي ڪئمپ ۾ کاڌي پيتي جو سامان نه پيو وڃڻ ڏنو وڃي، اسان ج?? سامان روڪيو ويو آهي. هن چيو ته پي ٽي آءِ وٽ بک هڙتالي ڪئمپ ۾ ماڻهو گڏ نه ٿي رهيا آهن، اهي ماڻهو پارليامينٽ جي ڪيفي ٽيريا ۾ وڃي ماني کائي رهيا هوندا آهن، انهن جي ليڊر چيو هو ته بک هڙتال ڪريو، انهن کي نه بک آهي ۽ نه ئي وري هڙتال آهي.
