اسلام آباد – 17 آڪٽوبر (اي پي پي) وزيراعظم عمران خان سان پاڪستان براڊ ڪاسٽرز ايسوسيئيشن ۽ ڪائونسل آف نيوز پيپرز ايڊيٽرز جي وفد ملاقات ڪئي، جنهن ۾ اطلاعات وارو وفاقي وزير چوڌري فواد حسين، ميڊيا بابت خصوصي معاون افتخار دراني، سينيٽر فيصل جاويد، اطلاعات وارو سيڪريٽري شفقت جليل پڻ موجود هئا. وفد وزيراعظم کي اخباري صنعت ۽ اليڪٽرانڪ ميڊيا کي درپيش مسئلن کان آگاهه ڪيو. سي پي اين اي جي صدر چيو ته ميڊيا جي حوالي سان موجوده حڪومت جي پاليسي عدم مداخلت واري ۽ شفاف رهي آهي. وزيراعظم وفد سان ڳالهائيندي چيو ته ملڪ هن وقت مشڪل دور مان گذري رهيو آهي.