زیراعظم شہبازشریف اتے اقوام متحدہ دے سیکرٹری جنرل دا چھل توں متاثرہ علاقیے اوستہ محمد دا دورہ، چیف سیکرٹری بلوچستان تفصیلی بریفنگ ݙتی

اوستہ محمد۔10ستمبر (اے پی پی) وزیراعظم شہبازشریف اتے اقوام متحدہ دے سیکرٹری جنرل انتونیوگوتریس چھݨ چھݨ کوں ضلع جعفر آباد دی چھل توں ماترہ علاقے اوستہ محمد دا دورہ کیتا۔ بلوچستان دے چیف سیکرٹری وزیراعظم شہبازشریف اتےاقوام متحدہ دے سیکرٹری جنرل کوں مون سون دی اڄوکی بارشاں اتے چھل، چھل دے بعد صوبے اچ امداد اتے بحالی دی کوششاں بارے بریفنگ ݙتی۔ وزیراعظم شہبازشریف ایں موقع تے اقوام متحدہ دے سیکرٹری جنرل کوں ݙسیا جو بلوچستان رقبے دے لحاظ نال پاکستان دا ساریاں توں وݙا صوبہ اے اتے متعلقہ حکام کوں پرے پرے دے علاقیاں تئیں پڄݨ اچ اوکھ اے۔ انہاں ݙسیا جو چھل پاروں بنیادی ڈھانچہ، سڑکاں اتے رابطہ پلاں دا ٻہوں نقصان تھیے۔ وزیراعظم آکھیا جو چھل توں متاثرہ لوکاں دی بحالی ہک وݙا چیلنج اے۔ وفاقی حکومت ریلیف دے کماں اچ صوبائی حکومت نال تعاون کریندی پئی اے تانجو اتنے وݙے چیلنجز دا مقابلہ کرݨ کیتے بین الاقوامی برادری کوں پاکستان دے تعاون کیتے اڳوں آوݨا پوسی۔ وزیراعلیٰ بلوچستان عبدلقدوس بزنجو ایں موقع تے اقوام متحدہ دے سیکرٹری جنرل کوں ݙسیا جو ریسکیو، ریلیف اتے بحالی دی کوششاں کیتے صوبائی حکومت آپݨے سارے محدود وسائل لیندی پئی اے۔ انہاں چھل توں متاثرہ لوکاں دی امداد کیتے بین الاقوامی برادری توں امداد دی اپیل کیتی۔

مضمون کا ماخذ : سامرائی کی خوش قسمتی۔

متعلقہ مضامین