مفکر پاکستان علامہ محمد اقبالؒ دا81واں یوم وفات (کل) منایا ویسی

فیصل آباد ۔ 19 اپریل (اے پی پی) عظیم فلسفی شاعر ، مفکر پاکستان ، حکیم الامت ڈاکٹر علامہ محمد اقبالؒ جیرھے جو 21 اپریل 1938ءکوں داغ مفارقت ڈے گئے ہن انہاں دا 81 واں ےوم وفات (کل) 21اپریل اتوار کوں پورے ملک اچ قومی جوش تے جذبے نال منایا ویسی ۔ایں موقع تے پاکستان مسلم لیگ ، نظریہ پاکستان فاﺅنڈیشن ، مرکزیہ مجلس اقبال ، تحریک پاکستان ورکرز ٹرسٹ تے بئے اداریں دے اہمتام نال خصوصی تقریباں، تقریری مقابلے ، سیمینارز ، مذاکرے ، مباحثے، مشاعریں تے بئے پروگرام دا انعقاد کیتا ویسی جیں اچ حکیم الامت دی تحریک پاکستان تے ڈو قومی نظریہ سمیت ملک تے قوم کیتے خدمات تے تفصیلی روشنی پاتی ویسی جڈاں جو نینگر نسل کوں مفکر پاکستان دے نظریات وافکار تے انہاں دی سوچ تے فلسفے بارے آگاہ کرنڑ کیتے خصوصی ڈاکومینٹریز وی پیش کیتیاں ویسن تاں جو مستقبل دے معماراں کوں اپنڑے اسلاف دے کارنامے توں آگاہی مل سگے ۔ سویل دا آغاز نماز فجر دے وقت وطن عزیز دی سلامتی، عوامی فلاح ، قومی خوشحالی ، پاکستان دی تعمیر و ترقی ، دہشت گردی و بد امنی مکاونڑ ، اسلام دی سربلندی ، آئین تے قانون دی بالا دستی ، فرقہ وارانہ ہم آہنگی ، اتحاد بین المسلمین دے وھارے ، غربت ، بے روز گاری ، مہنگائی، قدرتی آفات توں نجات دیاں خصوصی دعاواں نال تھیسی۔

مضمون کا ماخذ : مصری ڈریمز ڈیلکس

متعلقہ مضامین