وفاقی وزیر اطلاعات تے نشریات سینیٹر پرویز رشید دا اے پی پی کو ںانٹرویو

اسلام آباد ۔ 26 اگست (اے پی پی)وفاقی وزیر اطلاعات و نشریات سینیٹر پرویز رشید آکھیا جو جمہوری اتے قانونی رستہ اختیار کرنڑ ای پاکستان کوں مستحکم بنڑا سگدے ،ووٹ نال احتساب دا عمل سیاسی جماعتاں سانگے سبق اے،جذباتی نعریاں دی سیاست کمزور تھیسی اتے عوام کوں زندگی چنگی بنڑاونڑ آلے پاسے توجہ ڈتی ویندی پئی اے،اگر عوام کوں اطمینان تھیا جو ایں جماعت چنگا کم کیتے تاں او آندے الیکشن اچ اینکوں ولا ووٹ ڈیسن،عوام مطمئن ہوسی تاں پسند اتے نا پسند دے معیار بدل ویسن۔اے گالھیں انہاں اے پی پی کوں ہک خصوصی انٹرویو ڈیندیں ہوئیں آکھی۔انہاں آکھیا جو اجوکی سیاسی صورتحال ،ووٹ نال سیاسی حکومتاں دے قیام اتے پنج سال دی مدت پوری تھیونڑ نال جمہورت دی جڑاں بئیا پکی تھیندیاں پئن اتے غیر جمہوری اتے مارشل لاء پاروں جیڑھے عوامی مسئلے آلے پاسے بھرپور حکومتی توجہ کائنا ڈتی ونج سگی ہئی ،اوندے اثرات وی زائل تھیندے پئن ۔اے تبدیلی ہنڑ نذر آونڑ پئی گئی اے۔وفاقی وزیر آکھیا جو آمریت دے لمبے دور اچ کجھ اداریاں آپنڑی حد توں ودھنڑ دی مسئلے پیدا کیتن۔ہنڑ انہاں اداریاں فکری طور اے گالھ من گھدی اے جو اداریاں دے استحکام سانگے حدود دے تعین دے بغیر چارہ کائنی ۔

مضمون کا ماخذ : como apostar na mega sena

متعلقہ مضامین