اسلام آباد۔17اپریل (اے پی پی):وفاقی وزیرخزانہ ومحصولات محمد اورنگزیب آکھیے پاکستان دی حکومت حکومت نجی شعبہ دی سرمایہ کاری اتے پبلک پرائیوٹ پارٹنرشپ دی صلاحیت واستعداد توں فیدہ چاوݨ سانڳے مالیات دے جدیدماڈلز دی حوصلہ افزائی کریندی پئی اے۔ عالمی بینک اتے ایشیائی ترقیاتی بینک ملک دی سماجی واقتصادی ترقی اچ اہم کرداراداکریندے پئن۔ انہاں اے ڳالھ گزریل ݙینھ واشنگٹن ڈی سی اچ عالمی بینک دے صدراجے بنگا، ایشیائی ترقیاتی بینک دے صدرمساتوگوآساکاوا اتے ڈولپمنٹ فنانس کارپوریشن دے چیف ایگزیکٹوآفیسرسکاٹ ناتھن نال ملاقاتاں اچ ڳالھ مہاڑ کریندے ہوئیں آکھی اے ۔ عالمی بینک دے صدر نال ملاقات اچ وزیرخزانہ پاکستان دی سماجی واقتصادی ترقی اچ عالمی بینک دے کردار اتے تعاون تے روشنی پاتی ۔وزیرخزانہ عالمی بینک دے صدر کوں سٹینڈبائی معاہدے دے تحت معیشت دی پائیدارنمو، ٹیکس، توانائی اتے نجکاری دے حوالے نال اصلاحات بارے وی ݙسایا ۔فریقین 10 سالاں سانڳے رولنگ کنٹری فریم ورک پلان نال اتفاق کیتے۔عالمی بینک دے صدر معیشت دے استحکام اتے محصولات اچ ودھارے سانڳے اصلاحات تے ڈیجیٹلائزیشن دے پروگرام دے ضمن اچ آپݨی مکمل حمایت دایقین ݙیوائے۔وزیرخزانہ عالمی بینک دے صدرکوں دورہ پاکستان دی دعوت ݙتی ۔ایشیائی ترقیاتی بینک دے صدرنال ملاقات اچ وزیر خزانہ ملکی ترقی اتےسماجی خوشحالی اچ عالمی بینک دے کردار تےتعاون دی تعریف کیتی ۔ ملاقات اچ ایشیائی ترقیاتی بینک دے نال پاکستان دی شراکت داری کوں تکڑا بݨاوݨ تے رعایتی فنانسنگ ومستقبل دے منصوبیں سانڳے فنڈز دی فراہمی متعلق امورتے توجہ ݙتی ڳئی ۔ وزیرخزانہ آکھیے ایشیائی ترقیاتی بینک پاکستان داکلیدی ترقیاتی شراکت دار اے اتے ملک دی سماجی واقتصادی ترقی اچ بینک ہمیشہ پاکستان نال تعاون کیتے ۔
.jpg)
