نگران وزیر اعظم دا غزہ دی صورتحال تے چنتا، فلسطین نال یکجہتی اتے اسرائیلی بربریت دی مذمت

اسلام آباد۔11نومبر(اے پی پی) نگران وزیر اعظم انوار الحق کاکڑ غزہ دی صورتحال تے چنتا کریندے ہوئے فلسطین نال یکجہتی کیتے اتے ہتھو خالی فلسطینیاں خاص کر ٻالاں اتے تریمیتں سودھا ہسپتالاں، سکولاں، رہائشی عمارتاں کوں مسلسل بمباری اتے بربریت دا نشانہ ٻݨاوݨ تے ودھ مذمت کیتی۔ ہک غیر ملکی (انادولو) نیوز ایجنسی کوں ݙتے ڳئے ہک انٹرویو اچ انہاں غزہ دی تباہ کن صورتحال نال پووݨ آلے اثرات تے چتیندے ہوئے آکھیے جو ایندے تباہ کم اثرات خطے توں ٻاھرو وی کھنݙ سڳدن، اسرائیلی قابض افواج طاقت دے اندھا دھند استعمال، ہسپتالاں، پناہ گزیناں دے کیمپاں، سکولاں اتے رہائشی عمارتاں تے بمباری وݙی مذمت کرݨ آلی اے جیندے نال 10 ہزار توں ودھ قیمتی جاناں دا ضیان تھئے، انہاں اچ ودھ تعداد معصوم ٻالان اتے تریمتیں دی اے اتے ہزاراں فلسطینی ٹٻراں کوں زبردستی گھر چھوڑݨا پئے۔ انہاں غزہ اچ غیر مشروط جنگ بندی تے زور ݙیندے آکھیے جو غزہ دا محاصرہ فوری ختم تھیوݨا چاہیدے، متاثرہ آبادی کوں اہم انسانی امداد اتے طبی امداد پچاوݨ سودھا اسرائیل کوں ٻئی خونریزی توں روکݨ کیتے بین الاقوامی تعاون ودھاوݨا ہوسی۔ انہاں آکھیے جو عالمی برادری بالخصوص اقوام متحدہ اتے ایندے متعلقہ ادارے انصاف اتے انسانیت دے اصولاں کوں برقرار رکھݨ اتے فلسطینیاں دے قتل عام کوں مکاوݨ کیتے عملی اقدامات کرے۔ نگراں وزیراعظم انوار الحق کاکڑ آکھیے جو پاکستان اسلامی تعاون تنظیم دا خیر مقدم کریندے ڄئیں ایں اہم اتے فوری حل طلب معاملے تے ہنگامی اجلاس سݙیے، ایں معاملے تے ساری صورت دے مطابق اجتماعی ردعمل ݙیوݨا ٻہوں ضروری اے۔ ہک سوال دے ولدے اچ انہاں ݙوطرفہ تعلقات کوں شاندار قرار ݙیندے پاکستان اتے ترکی وچال ہم آہنگی اتے تعاون ودھاوݨ دا آکھیے جو تجارت، زراعت اتے دفاع ڄھیں ٻہوں شعبے ہین جیندے اچ تعلقات ودھائے ونڄ سڳدن۔ انہاں آکھیا جو پاکستان اتے بھارت وچال تعلقات سیدھے کرݨ کیتے کشمیر دے وہم ڄھیڑے کوں تیکھے حل کرݨا ہوسی کیوں جو کشمیریاں کوں اپݨے مستقبل اتے اپݨی تقدیر دا فیصضہ کرݨ دا پورا حق اے اتے پاکستان ایں موقف دی حمایت کیتے سفارتی و سیاسی طور تے ہمیشہ کھڑا رہسی۔

مضمون کا ماخذ : ہاٹ اسپن

متعلقہ مضامین