شنگھائی۔(اے پی پی)وزیراعظم عمران خان آکھیے جو ودھدی غربت، کرپشن دے چیلنج، مسلسل غلطیاں اتے ناقص منصوبہ بندی پاروں پاکستان بحران دی ولھیٹ اچ اے،کرپشن اتے بدعنوان عناصر دے خلاف کارروائی کیتے بغیر ملک ترقی نئیں کر سگدا،ترقی کیتے چین دے ماڈل توں سکھنڑ چاہندے ہیں، ساکوں ہنر مند افرادی قوت، تجارتی ساجھے داری، غربت مکاونڑ اتے سرمایہ کاری دی لوڑھ اے، ملک کوں ترقی دے رستے تے گھن ونجنڑ کیتے مستقبل دے دیرپا وژن دا تعین کرنڑاں ہوسی،تجارت اتے سرمایہ کاری کوں متوجہ کرنڑ ترجیح اے،غربت مکاونڑ کیتے ہک وڈا پیکج گھدی آندے ہیں۔اے گالھیں انہاں شنگھائی اچ سرمایہ کاری کانفرنس نال خطاب کریندے ہوئے کیتن۔ وزیراعظم عمران خان اپنڑے خطاب اچ آکھیے جو پاکستان کوں بحران توں کڈھنڑ کیتے مسلسل کوششاں کریندے پئے ہیں،ایں سانگے طویل المدتی منصوبہ بندی تے کم کرنڑ چاہندے ہیں،پاکستان کیتے چین دا ماڈل مثالی اے، چین دے تجربیاں توں ودھ توں ودھ فیدہ چاونڑ چاہندے ہیں۔وزیراعظم عمران خان چین دے صدر شی جن پنگ دی قیادت دا اعتراف کریندے آکھیے جو پاکستان چین دے تجربیاں توں بہوں کجھ سیکھ سگدے، ترقی او تئیں نئیں تھی سگدی جے تئیں اساں اپنڑیاں ماضی دیاں غلطیاں توں نہ سکھوں۔انہاں آکھیے جو اساں مسلسل بحران توں نکلنڑ کیتے ہتھ پیر مریندے پئے ہیں، ساکوں ہنر مند افرادی قوت، تجارتی ساجھے داری، غربت مکاونڑ اتے سرمایہ کاری دی لوڑھ اے، کرپشن مکاونڑ ہک وڈا چیلنج ??ے ، ساکوں ملک کوں ترقی دے رستے تے گھن ونجنڑ کیتے مستقبل دے دیرپا وژن دا تعین کرنڑاں ہوسی،چاہندے ہیں جو دنیا پاکستان کوں وی چین آلی کار تیزی نال ترقی کریندا ڈیکھے۔ وزیراعظم آکھیے جو چین چالہی سالاں اچ بہوں ودھ ترقی کیتی اے،طاقتور نئیں بھل اپنڑے آپ کوں معروضی حالات دے مطابق ہی اگو تے ودھ سگدن،ساڈی وی کوشش اے جو ساڈا سرمایہ کاری پاکستان اچ ہی سرمایہ کاری کرے بھل ناقص منصوبہ بندی اتے مسلسل غلطیاں پاروںاساں ہر میدان اچ بہوں پ??ھو رہ گئے ہیں،توقع اے جو اقتصادی راہداری نال صنعتی ترقی دا ہک نواں دور شروع تھیسی۔وزیراعظم عمران خان آکھیے جو تجربے تو ایہو سکھیے جو ہارتوں ڈر تے بہہ ونجنڑآلے کڈاھیں نئیں جیتدے، جیتدا اوہو اے جیہڑا ہمت کریندے ہوئے اپنڑے مقصد دے پچھو لگا راہندے،میکوں وی اے یقین اے جو اساں پاکستان کون مسلیاں توں کڈھ گھنسوں اتے دنیا ساکوں وی چین آلی کار مثالی ترقی کرینداں ملک ڈیکھسی۔
.jpg)
.jpg)
