وزیر اعظم سیلاب آلے علاقیں اچ مواصلات اتے سڑکاں دی بحالی دے کم دی نگرانی خود کریندے پئن، وزیر اعظم آفس

اسلام آباد۔4ستمبر (اے پی پی):وزیر اعظم محمّد شہباز شریف دی خصوصی ہدایت تے سیلاب آلے علاقیں اچ سڑکاں تے رابطہ سڑکاں دی بحالی دا کم ہنگامی بنیاداں تے جاری اے ،وزیر اعظم مواصلات اتے سڑکاں دی بحالی دے کم دی نگرانی خود کریند پئن ، ایں حوالے نال انہاں کوں روزانہ دی بنیاد تے رپورٹ وی پیش کیتی ویندی پئی اے ،وزیر اعظم دی ہدایت تے وفاقی وزیر مواصلات تے چیئرمین نیشنل ہائی وے اتھارٹی قومی شاہراہواں دی بحالی کوں یقینی بݨیندے پئن ، گزریل 15 ݙینھ اچ چارے صوبیں سودھے گلگت بلتستان اچ سیلاب توں متاثرہ سڑکاں کوں بحال کرݙتا ڳئے ،مواصلات تے رابطہ سڑکاں دی بحالی اولین ترجیح اے ۔ وزیر اعظم آفس میڈیا ونگ توں اتوار کوں جاری اعلامیہ موجب وزیر اعظم محمّد شہباز شریف دی خصوصی ہدایت تے سیلاب آلے علاقیں اچ رابطہ سڑکاں دی بحالی دا کم ہنگامی بنیاداں تے جاری اے، وزیر اعظم مواصلات اتے سڑکاں دی بحالی دے کم دی نگرانی خود کریندے پئن انہاں کوں روزانہ رپورٹ پیش کیتی ویندی پئی اے ۔ وزیر اعظم دی ہدایت تے وفاقی وزیر مواصلات تے چیئرمین نیشنل ہائی وے اتھارٹی قومی شاہراہواں دی بحالی یقینی بݨیندے پئن ۔

مضمون کا ماخذ : جنگل وائلڈ

متعلقہ مضامین