رياض -28 مارچ (اي پي پي) سعودي عرب ۾ عسير جي اتر ۾ عقبه شعار ۾ بس حادثي ۾ 20 ڄڻا اجل جو شڪار ۽ ڪيترائي زخمي ٿي پيا آهن. سعودي ميڊيا مطابق حادثو ان وقت پيش آيو جڏهن بس جي بريڪ فيل ٿي وئي ۽ هڪ پل سان ٽڪرائجڻ بعد ڪلٽي ٿي پئي ۽ بعد ۾ بس کي باهه وڪوڙي وئي. حادثي ۾ 20 زائرين اجل جو شڪار ۽ ڪيترائي زخمي ٿي پيا. سول ڊفينس جي ٽيمن هلال احمر ۽ لاڳاپيل سيڪيورٽي اختيارين حادثي واري هنڌ پهچي امدادي سرگرميون شروع ڪيون. لاشن ۽ زخمين کي ويجهين اسپتالن ۾ منتقل ڪيو ويو آهي.