ملکی صنعتاں گلوبل سپلائی چین دا حصہ ٻݨاوݨ کیتے اقدامات کرݨے ہوسن، وزیراعظم محمد شہباز شریف

سلام آباد۔04 جنوری(اے پی پی)وزیراعظم محمد شہباز شریف دی اڳواݨی اچ چھوٹے اتے درمیانے درجے دے کاروباراں دے فروغ اتے سمال اینڈ میڈیم اینٹرپرائزز ڈویلپمنٹ اتھارٹی (سمیڈا) بارے اجلاس تھئے جیندے اچ وفاقی وزیر صنعت و پیداوار رانا تنویر حسین اتے متعلقہ اعلیٰ سرکاری افسران شرکت کیتی۔ وزیراعظم اجلاس نال خطاب اچ آکھیے جو چھوٹے اتے درمیانے درجے دے کاروبار ملکی معیشت دی ریڑھ دی ہڈی ہوندن، حکومت چھوٹے اتے درمیانے درجے دے کاروباراں کوں سہولتاں ݙیوݨ کیتے ہر ممکن اقدامات کریندی پئی اے۔ وزیراعظم پاکستانی صنعتاں کوں گلوبل سپلائی چین دا حصہ ٻݨاوݨ دے اقدامات دی لوڑھ اے، ایس ایم ایز دی ترقی کیتے وفاق اتے سارے صوبیاں کوں رل تے کم کرݨا ہوسی۔ اجلاس اچ سمیڈا دی کارکردگی تے بریفنگ ݙتی ڳئی۔ وزیراعظم ایس ایم ایز سیکٹر دی ترقی کیتے صوبائی حکومتاں اتے سارے متعلقہ اداریاں سودھا وفاقی وزارت صنعت و پیداوار وچال تعاون ودھاوݨ دی لوڑھ تے زور ݙتے۔

مضمون کا ماخذ : números da sorte loteria

متعلقہ مضامین