وزیر داخلہ محسن نقوی دی صدارت اچ اجلاس ، صوبیں دے اتفاق رائے نال نیشنل رجسٹریشن پالیسی بݨاوݨ دا فیصلہ

اسلام آباد۔ 23 مئی (اے پی پی):وفاقی وزیر داخلہ محسن نقوی دی صدارت اچ نادرا دے حوالے نال جائزہ اجلاس تھیان جیں اچ نیشنل رجسٹریشن پالیسی بݨاوݨ دا فیصلہ کیتا ڳئے ۔ وزیر داخلہ محسن نقوی آکھیے شناختی کارڈ اتے شہریت دا مستند ہووݨ ٻہوں اہمیت رکھیندے ۔ ایں پالیسی تے ساریں صوبیں دا اتفاق رائے وی حاصل کرݨا ہوسی، یونین کونسل کوں ایں ضمن اچ بنیاد دا درجہ حاصل اے، نادرا دی یونین کونسلز تئیں رسائی ایں سلسلے اچ ٻہوں ضروری اے ۔ پالیسی توں شہریت دے انداراج کوں شفاف اتے فول پروف بݨایا ویسی ۔وزیر داخلہ آکھیے جو نویں پالیسی توں شہریت دے غیر قانونی اندراج کوں وی روکیا ونڄ سڳسی جیں دی وجہ توں غیرملکیاں کوں شناختی کارڈ اتے پاسپورٹ جاری ہووݨ دا معاملہ سامݨے آئے۔اجلاس اچ چھی وݙے شہراں اچ نادرا سنٹرز اچ ودھارے دے پلان دا جائزہ ڳھدا ڳئے ۔کراچی، لاہور، پشاور، کوئٹہ، اسلام آباد تے راولپنڈی دے علاوہ ملتان کوں وی ایں پلان اچ رلاوݨ دا فیصلہ کیتا ڳئے ۔ وزیر داخلہ آکھیے ایں پلان کوں حتمی شکل ݙے تے اڳلے کجھ ݙینھ اچ ایں تے عمل درآمد دا آغاز کیتا ویسی جݙاں جو عوام کوں غیر ضروری رش اتے زحمت توں بچایا ونڄ سڳے۔ عوام دیاں سہولتاں سانڳے خدمت مراکز اچ وی نادرا کائونٹرز دا آغاز کیتا ونڄے ۔وزیر داخلہ دے دوریں تے انہاں دے بعد کیتے ڳئے اقدامات توں انتظار دا ویلھا 120 منٹ توں گھٹ تے 75 منٹ رہ ڳئے ، وزیر داخلہویلھے کوں مزید گھٹاوݨ دی ہدایت ݙتی ۔ بریفنگ اچ ݙسایا ڳئے جو ایں ویلھے نادرا دی رجسٹریشن کل آبادی دا 85 فیصد اے۔اجلاس اچ سیکریٹری داخلہ خرم علی آغا، چئیرمین نادرا لیفٹیننٹ جنرل محمد منیر افسر تے سینئر افسراں شرکت کیتی۔

مضمون کا ماخذ : میگا ملینز کے نتائج

متعلقہ مضامین