اسلام آباد۔17جنوری(اے پی پی) سابق وزیر اعظم اتے مسلم لیگ (ن )دے صدر محمد شہباز شریف آکھیے جو 8 فروری کوں عوام ووٹ دے ذریعے فیصلہ کریسن کیں کوں ووٹ ݙیوݨا اے ، عوام دا فیصلہ اساں ساریں کوں قبول ہوسی ۔ اے ڳالھ انہاں بدھ کوں مسلم لیگ ن دے بیٹ رپورٹرز نال ملاقات اچ آکھی اے ۔ انہاں آکھیے ن لیگ اپݨی انتخابی مہم دا آغاز کرݙتے، نوازشریف، مریم نواز تے حمزہ شہباز پورے ملک اچ انتخابی مہم چلیسن ، اے الیکشن پاکستان دی تقدیر دا فیصلہ کریسی ۔ انہاں آکھیے نواز شریف دے 2013 اچ وزیر اعظم بݨݨ دے بعد پاکستان ترقی دے رستے ٹردا پیا ہئی ۔