وزیراعظم محمد شہباز شریف ڈیرہ اسماعیل خان سودھے جنوبی خیرپختونخوا کیتے مختلف ترقیاتی منصوبیں دا سنگ بنیاد رکھ ݙتا
APP46-261222
DERA ISMAIL KHAN: December 26 - Prime Minister Muhammad Shehbaz Sharif laying foundation stone of development projects for Southern Districts of Khyber Pakhtunkhwa. APP/IQJ/FHA
ڈیرہ اسماعیل خان۔26دسمبر(اے پی پی) وزیراعظم محمد شہباز شریف ڈیرہ اسماعیل خان سودھے جنوبی خیرپختونخوا کیتے مختلف ترقیاتی منصوبیں دا سنگ بنیاد رکھ ݙتا۔ ایں سلسلے اچ سنوار کوں وزیراعظم ڈیرہ اسماعیل خان دا ھک ݙینھ دا دورہ کیتے ۔ وزیراعظم چشمہ رائٹ بینک کینال دی بحالی ،چشمہ رائٹ بینک کینال لفٹ کم گریوٹی اتے چشمہ ہائیڈل پاور پراجیکٹ، ٹانک زام ڈیم، سی پیک دے مغربی روٹ/موٹروے یارک-سگو سیکشن اتے گومل یونیورسٹی پہاڑ پور کیمپس دا سنگ بنیاد رکھیا۔ ایں توں علاوہ وزیراعظم عبدالخیل 132 کے وی اتے بند کورائی 132کے وی گرڈ سٹیشنز، پیزو توں ٹانک روڈ اتے ڈیرہ اسماعیل خان بائی پاس دی بحالی، اڄوکے مینھ تے سیلاب توں تباہ حال سڑکاں دی بحالی دے کم دا وی افتتاح کیتا۔ ایں موقع تے منعقدہ تقریب اچ جمعیت علمائے اسلام (ف) دے امیر تے پی ڈی ایم دے سربراہ مولانا فضل الرحمان، گورنر خیبرپختونخوا حاجی غلام علی، وفاقی وزیر منصوبہ بندی و ترقی احسن اقبال، وفاقی وزیر ہائوسنگ و تعمیرات مولانا عبدالواسع، وفاقی وزیر مذہبی امور مفتی عبدالشکور، وفاقی وزیر مواصلات اسعد محمود، وفاقی وزیر اطلاعات و نشریات مریم اورنگزیب، وزیراعظم دے مشیر انجینئر امیر مقام، ڈپٹی سپیکر قومی اسمبلی زاہد اکرم درانی سودھے اعلیٰ سرکاری افسران اتے عمائدین علاقہ وی شرکت کیتی۔
