سستا اتے فوری انصاف ݙیوݨ کیتے سارے اداریاں کون رَل تے کم کرݨا پوسی، صدرمملکت دا سکھر اچ وفاقی محتسب انشورنس ریجنل آفس سکھر دے افتتاح دی تقریب توں خطاب

سکھر۔ 21 مارچ (اے پی پی) صدر مملكت ڈاکٹر عارف علوی آکھیا جو سستا اتے فوری انصاف ݙیوݨ کیتے سارے اداریاں کون رَل تے کم کرݨا پوسی، انصاف کرݨ ٻہوں وݙی نیکی اے۔ اے ڳالھیں انہاں سکھر اچ وفاقی محتسب انشورنس ریجنل آفس سکھر دی افتتاحی تقریب توں خطاب کریندیں ہوئیں آکھی۔ صدرمملکت آکھیا جو لوکاں دے مسئلیاں دے حل کیتے ایں ادارے چنڳا کم کیتے۔ پوری دنیا اچ لوک انصاف ݙیوݨ کوں تکھا کرݨ اتے مسئلیاں دےحل کیتے کم کریندے پن۔ اڄوکے سالاں اچ پاکستان اچ وی وفاقی محتسبین دی مدد نال سائلین دےمسئلیاں دے حل اچ تیزی آئی اے۔ صدرمملکت آکھیا جو اگر اساں ایگری کلچر انشورنس تے توجہ ݙیندے تاں اڄوکے چھل پاروں کساناں اتے ذمینداراں دے تھیوݨ آلے ضیان دا ازالہ کر سڳدے ہاسے۔ ایں توں پہلے صدرمملکت منگل کوں ہک ݙینھ دے دورے تے سکھر پڄیے۔ او سکھر ایئر پورٹ توں آئی بی اے یونیورسٹی آئے جتھ انہاں وفاقی انشورنس محتسب ریجنل آفس سکھر دا افتتاح کیتا۔ وفاقی انشورنس محتسب ڈاکٹر محمد خاور جمیل صدر مملكت دا استقبال کیتا۔

مضمون کا ماخذ : مڈاس گولڈ

متعلقہ مضامین