پاکستان اچ سبسڈیزتوں او لوک فائدہ چیندے پئن جیڑھے پہلے ای طاقتور ہن، وزیراعظم عمران خان دا پٹرولیم ڈویژن ولوں سیمینار نال خطاب

اسلام آباد ۔ 9 ستمبر (اے پی پی) وزیراعظم عمران خان آکھیا جو پاکستان اچ سبسڈیزتوں او لوک فائدہ چیندے پئن جیڑھے پہلے ای طاقتور ہن،بجلی وانگوں گیس دے شعبے دا گردشی قرضہ ودھدا ویندے،درآمدی گیس اجوکے نرخ تے نی ڈے سگدے،پچھلے 30سالیں اچ ملک دی توانائی دی لوڑھ کوں پورا کرنڑ سانگے کوئی منصوبہ بندی کائنی کیتی گئی۔اے گالھیں انہاں بدھ کوں اتھاں پٹرولیم ڈویژن ولوںگیس دی طلب اتے رسد بارے ”پاکستان اچ گیس دی ارزاں فراہمی، استحکام اتے سکیورٹی“دے موضوع تے سیمینار نال خطاب کریندے ہوئیں آکھی۔وزیراعظم آکھیا جو سبسڈیز ڈیونڑ دا مقصد غریب عوام کوں سوکھ ڈیونڑ اے تانجو انہاں کوں سستی شئے مل سگے،ڈوجھے پاسوں انہاں کوں سبسڈی ڈتی ویندی اے جیڑھے علاقے پچھوں رہ گئے ہوون۔انہاں آکھیا جو بدقسمتی نال پاکستان اچ سبسڈیزتوں او لوک فائدہ چیندے پئن جیڑھے پہلے ای طاقتور ہن،بجلی وانگوں گیس دے شعبے دا گردشی قرضہ ودھدا ویندے،درآمدی گیس اجوکے نرخ تے نی ڈے سگدے،پچھلے 30سالیں اچ ملک دی توانائی دی لوڑھ کوں پورا کرنڑ سانگے کوئی منصوبہ بندی کائنی کیتی گئی۔انہاں آکھیا جو اساں آئی پی پیز دا شکریہ ادا کریندوں جو جنہاں اپنڑے پرانڑے معاہدے تے نظرثانی کر تے نویں معاہدے کیتن،آندے ہفتے ایں بارے اساں تفصیل ڈسیسوں جو ایں نال کتنی بچت تھیسی اتے کتنا فائدہ تھیسی۔وزیراعظم آکھیا جو گیس دی طلب اتے رسد اچ بہوں فرق اے جئیں پاروں آندی سردیاں اچ وڈا مسئلہ بنڑ سگدے،درآمدی گیس اجوکے نرخ تے نی ڈے سگدے۔انہاں آکھیا جو اساں ملک اچ 17روپے فی یونٹ بجلی بنڑاکراہیں 14روپے فی یونٹ اچ وچیندے پیوں جئیں پاروں گردشی قرضہ ودھدا ویندے ۔انہاں آکھیا جو لوکاں کوں غریبی اچ کڈھیے اتے ہنڑ او غریب علاقیاں دی ترقی تے توجہ ڈیندے پئن۔

مضمون کا ماخذ : بہت سے نتائج

متعلقہ مضامین