اڄوکے چھل پاروں ملک اچ غریبی دی شرح ودھݨ دا ݙر اے، صدرمملکت ڈاکٹر عارف علوی دا سنیھا

اسلام آباد۔17اکتوبر (اے پی پی) صدر مملکت ڈاکٹر عارف علوی آکھیا جو اڄوکے چھل پاروں ملک اچ غریبی دی شرح ودھݨ دا ݙر اے۔ لکھاں گھر اتے لکھاں ایکڑ تے کھڑی فصلاں دی تباہی پاروں غریباں تے ٻوجھ ودھ ڳے اتے پاکستان غریبی دے خاتمے، عوام دی ترقی تے خوشحالی اتے پائیدار ترقی اے اہداف کیتے آپݨی کوششاں جاری رکھیسی۔ سنوار کوں ایوانِ صدر دے پریس ونگ دے مطابق صدر مملکت اے ڳالھیں 17 اکتوبر کوں غریبی دے خاتمے دے جڳ ݙیھاڑ دے موقع تے آپݨے سنیھے اچ آکھی۔ انہاں آکھیا جو پاکستان اچ غریبی تے خاتمے کیتے خوراک، روزگار، صحت، مکان، انصاف تئیں رسائی ودھاوݨ دے نال نال سیاسی شمولیت اتے انہاں دے اختیارات اچ ودھارا کرݨا پوسی۔ صدر مملکت آکھیا جو چھل پاروں عالمی برادری کوں آپݨی ذمہ واریاں دا احساس کرݨا پوسی۔ پاکستان غریبی دے خاتمے کیتے مختلف پروگرام شروع کیتن۔ صدر مملکت آکھیا جو غربت دے خاتمے کیتے نیشنل رورول سپورٹ پروگرام، بینظیر انکم سپورٹ پروگرام/احساس پروگرام، صحت کارڈ جیھے اقدامات کیتے ڳئن۔ پاکستان مستقبل اچ وی غریبی دے خاتمے کیتے اقدامات کریندا رہسی۔

مضمون کا ماخذ : ایڈونچر کی کتاب

متعلقہ مضامین