اسلام آباد۔22مئی (اے پی پی):گزریل چووی گھنٹے اچ کورونا وائرس پاروں پنجاب دے بعد خیبرپختونخواہ اچ ساریں توں ودھ اموات ریکارڈ کیتیاں ڳئن ۔ پورے ملک اچ گزریل چووی گھنٹے دے دوران کورونا وائرس توں 88 اموات تھئن جنہان اچوں 40 اموات وینٹیلیٹرز تے موجود مریضاں دیاں تھئن ۔نیشنل کمانڈ اینڈ آپریشن سینٹرولوں جاری اعدادو شمار دے مطابق گزریل 24 گھنٹے اچ پورے ملک اچ 4 ہزار 7 لوکاں دے کووڈ۔ 19 ٹیسٹ مثبت آئے۔ملک دے 4 وݙے شہراں اچ وینٹیلیٹرز تے کووڈ۔ 19 دے مریضاں دے تناسب دے لحاظ نال ملتان اچ 70 فیصد,لاہوراچ 51 فیصد,پشاور اچ 33 فیصد اتے بہاولپور اچ 42 فیصد مریض ہن۔