پاکستان اتے قزاخستان وچال ریاستی میڈیا اداریاں دے دفتر ٻݨاوݨ تے اتفاق، ریاستی میڈیا اطلاعات تئیں رسائی دا اہم ذریعہ اے، نگران وفاقی وزیر اطلاعات مرتضیٰ سولنگی دی قزاخستان دے سفیر یرژان کسٹافن نال ڳالھ مہاڑ

اسلام آباد۔22نومبر (اے پی پی) نگران وفاقی وزیر اطلاعات، نشریات تے پارلیمانی امور مرتضیٰ سولنگی پاکستان اتے قزاخستان وچال عوامی سطح تے رابطے، ثقافتی وفود دے تبادلے اتے ریاستی میڈیا اداریاں وچال تعاون ودھاوݨ دی لوڑھ تے زور ݙیندیں ہوئیں آکھیا جو پاکستان اتے قزاخستان وچال ریاستی میڈیا اداریاں دے دفتر ٻݨاوݨ تے اتفاق، ریاستی میڈیا اطلاعات تئیں رسائی دا اہم ذریعہ اے۔ اے ڳالھ انہاں بدھ کوں پاکستان اچ قزاخستان دے سفیر یرژان کسٹافن نال ملاقات اچ ڳالھ مہاڑ کریندیں ہوئیں آکھی۔ ملاقات اچ ݙوپاسہ تعلقات، میڈیا دے شعبے اچ تعاون ودھاوݨ، عوامی سطح تے رابطے ودھاوݨ اتے علاقائی صورتحال سودھے اہم معاملیاں تے ڳالھ کیتی ڳئی۔ مرتضیٰ سولنگی آکھیا جو ایسوسی ایٹڈ پریس آف پاکستان (اے پی پی) اتے نیشنل کمپنی قزاخ انفارمیشن ایجنسی وچال 2018ء اچ میڈیا تعاون کیتے مفاہمت دی یادداشت تے دستخط تھیے ہن۔ قزاخستان دے سفیر پاکستان دی وزارت اطلاعات تے نشریات اتے قزاخستان دی وزارت اطلاعات و سماجی ترقی وچال مفاہمت دی یادداشت تے دستخط کیتے نگراں وفاقی وزیر اطلاعات کوں دورہ قزاخستان دی دعوت وی ݙتی۔

مضمون کا ماخذ : قسمت کا پہیہ

متعلقہ مضامین