چیلنجز دے باوجود ٹیکسٹائل انڈسٹری ترقی کریندی پئی اے ، برآمدات اچ ودھارے کیتے سارے ممکنہ وسائل مہیا کریسوں ، وزیراعظم شہبازشریف دا ٹیکسٹائل ایکسپو توں خطاب

APP19-260523 KARACHI: May 26 - Prime Minister Muhammad Shehbaz Sharif addressing the inaugural ceremony of Textile Expo (TEXPO) 2023 held in Expo-Centre. APP/MAF/ZID

کراچی۔26مئی (اے پی پی):وزیراعظم محمد شہبازشریف آکھیے مسئلیں تے چیلنجز دے باوجود ٹیکسٹائل انڈسٹری ترقی کریندی پئی اے ، برآمدات اچ ودھارے کیتے سارے ممکنہ وسائل مہیا کریسوں ، ٹیکسٹائل نہ صرف معیشت بلکہ برآمدات کیتے وی ریڑھ دی ہڈی دا درجہ رکھیندی اے ۔ اے ڳالھ وزیراعظم ٹیکسٹائل ایکسپو توں خطاب کریندے ہوئیں آکھی اے ۔ٹیکسٹائل ایکسپو دے منتظمین کوں مبارخ ݙیندے ہوئیں وزیراعظم آکھیے ایں ایکسپو اچ ٻاہرلے ملک توں وی سرمایہ کار شامل ہن جیڑھی جو ٻہوں چنڳی ڳالھ اے ۔ٹیکسٹائل نہ صرف ساݙی معیشت بلکہ برآمدات کیتے ریڑھ دی ہڈی دی حیثیت رکھیندی اے ۔ اپݨے صنعتکاراں اتے برآمد کنندگان دے میڈ ان پاکستان اشیا ءدی برآمد کیتے انہاں دیاں کاوشاں کوں خراج تحسین پیش کریندوں ۔ مختلف چیلنجوں دے باوجود پاکستان دے ٹیکسٹائل سیکٹر دی بہتری کیتے کوشاں ہیسے ۔ کاروباری لوکاں دی انتھک محنت پاروں ٹیکسٹائل دا شعبہ بہتر تھیندا پئے۔ سرمایہ کار پاکستان آتے خوشی محسوس کریندی ٹیکسٹائل سیکٹر ساݙی برآمدات دامرکز اے۔ انہاں آکھیے پاکستان دی نیٹ ویئر تے گارمنٹس دی عالمی برانڈ دی طرفوں منگ ، پراݨے ٹیکسٹائل ٹیکنالوجی اچ جد ت ایں شعبہ دے اہم سنگ میل ہن۔ وزیرتجارت ، سیکرٹری تجارت اتے انہاں دی ٹیم اتے پاکستان ٹریڈ ڈویلپمنٹ اتھارٹی دے چیئرمین زبیر موتی والا دی ایں شعبہ دی بہتری کیتے نمایاں کارکردگی ٻہوں چنڳی اے ۔

مضمون کا ماخذ : ایشیا ڈریگن

متعلقہ مضامین