اسلام آباد ۔ 04 مارچ (اے پی پی) وفاقی وزیر امور کشمیر تے گلگت بلتستان چوہدری محمد برجیس طاہر آکھے جو سازشاں دے باوجود مسلم لیگ( ن ) ہر گزردے ڈینھ دے نال مضبوط توں مضبوط تھیندی پئی ہے، سینٹ الیکشن اچ حق تے سچ دی جیت تھئی ہے ، مسلم لیگ ن دے حمایت یافتہ امیدواراں دی مسلم لیگ ن دے انتخابی نشان توں محرومی دے باوجود شاندار کامیابی حقیقت اچ محمد نواز شریف دی سوچ ،وژن اتے نظریے دی جیت ہے جیکوں ہر جاءتے ودھ ساری پذیرائی ملدی پئی ہے ۔اتوار کوں جاری بیان اچ انہاں آکھیا جو مخالفاں دیاں ساریاں سازشاں ناکام تھیندیاں پن اتے آونڑ آلا ہر نواں ڈینھ محمد نواز شریف اتے مسلم لیگ ن کوں عوام اچ اگی توں ودھ مقبول کریندا پئے ،وفاقی وزیر آکھیا جو عمران خان تے تحریک انصاف داا یہ خیال ہا نواز شریف دی نااہلی دے بعد ان ہاں دی اقتدارتئیںرسائی آسان تھی ویسی تاں جو پاکستانی عوام محمد نواز شریف دی نااہلیت دے فیصلے کوں دل نال نی منیا اتے اوہ اج وی محمد نواز شریف کوں پاکستان دی ترقی تے خوشحالی دی ضمانت مندے ہن ۔چوہدری محمد برجیس طاہر آکھیا جو عوام دی مرضی تے منشاءدے خلاف کہیں انجئیرڈ جمہوریت دے ذریعے نام نہاد لیڈراں کوں عوام تے مسلط کرنڑ دیاں کوششاں دا حل کڈھنڑ چاہیدے ورنہ ایجھیاں سازشاں ملک اچ حقیقی جمہوریت دے قیام اتے ملکی ترقی تے خوشحالی سانگے خطرناک ثابت ہوسن۔ انہاں آکھیا جو سینیٹ الیکشن اچ شاندار کامیابی دے بعد مسلم لیگ ن دا ہدف 2018 دے عام انتخابات ہن جیندے سلسلے اچ مسلم لیگ ن اپنڑی پنج سالاں دی کار کردگی عوام دے سامنڑے رکھدی پئی ہے اتے ایں کارکردگی کوں گلگت بلتستان توں گوادر تئیںدے عوام قدر دی نگاہ نال ڈیکھدن ۔
.jpg)
.jpg)
