اسلام آباد۔19دسمبر(اے پی پی)وزارتِ مذہبی امور حج ناظمین اتے معاونین حج دے چݨائو کیتے نیشنل ٹیسٹنگ سروس نال معاہدہکیتے۔ پچھلے سال آلی کار ایں سال وی حج ڈیوٹی تے ونڄݨ آلے معاونین حج دا چݨائو این ٹی ایس نال کیتا ویسی۔ ایں سانڳے وزارتِ مذہبی امور اتے نیشنل ٹیسٹنگ سروس دا اسلام آباد اچ معاہدہ تھئے۔ وزارت ولوں جوائنٹ سیکرٹری ناصر عزیز خان ڄݙاں جو این ٹی ایس ولوں چیف ایگزیکٹو افسر معاہدے تے دستخط کیتن۔ سکیل 7 توں 18 دے سرکاری ملازمین و افسران درخواست ݙیوݨ دے اہل ہوسن۔ وزارت مذہبی امور تیکھے چݨائو کیتے اشتہار ݙیسی۔ معاہدے دے مطابق عملہ دی تقرری وفاقی و صوبائی کوٹہ دے مطابق میرٹ تے کیتی ویسی جیندے اچ نویں اتے تجربہ کار معاونین دا مخصوص تناسب رکھیا گئے