راولپنڈی۔15اگست(اے پی پی)کرم ایجنسی اچ سکیورٹی فورسز نال جھڑپ اچ 7 دہشت گرد ماریے ڳن۔ آئی ایس پی آر ݙسائے جو خمیس کوں سکیورٹی فورسز کرم ضلع اچ دہشتگرداں دے ہووݨ دی ݙس تے ہک انٹیلی جنس کارروائی کیتی اے جیندے اچ پاک فوج دہشتگرداں دی کمین گاہ کوں چُٹیے اتے 7 دہشتگرداں کوں ہلاک کیتے۔ کارروائی اچ 5 دہشت گرد زخمی وی تھین ڄݙاں جو دہشت گرداں دا ٹھکانہ تباہ کر ݙتا ڳئے اتے انہاں توں وݙی مقدار اچ اسلحہ، گولہ بارود اتے دھماکہ خیز مواد ملیے۔ مرݨ آلے دہشت گرد سکیورٹی فورسز اتے معصوم شہریاں تے کئی دہشتگرد سرگرمیاں اچ ملوث ہن۔ علاقے اچ ٻئے دہشترداں کوں ڳولݨ اتے مکاوݨ کیتے کلیئرنس آپریشن جاری اے۔ آئی ایس پی آر آکھیے جو سکیورٹی فورسز ملک توں دہشت گردی دی لعنت مکاوݨ کیتے پرعزم اے۔