اسلام آباد۔8اگست(اے پی پی)وزیر مملکت برائے آئی ٹی و ٹیلی کمیونیکیشن شزہ فاطمہ خواجہ آکھیے جو حکومت پاکستان کوں کیش لیس اکانومی اچ وٹاوݨ اتے ڈیجیٹل ٹرانزکشنز ودھاوݨ تے ودھ توجہ ݙیندی پئی اے، ایں سانڳے کرنسی نوٹ تے انحصار ڳھٹا تے ڈیجیٹل ٹرانزکشنز ودھاوݨ کیتے سٹیٹ بینک آف پاکستان دے فوری پے منٹ سسٹم ’’راست‘‘ آلی کار اقدامات کرݨ ضروری ہین۔ اسلام آباد اچ کیش لیس اکانومی بارے ٻݨائی ڳئی کمیٹی دے اجلاس اچ انہاں آکھیا جو ڈیجیٹل ادائیگیاں دا ملکی اقتصادی ترقی اچ وݙا کردار اے، ڈیجیٹل فنانشل شمولیت اتے اقتصادی گروتھ کیتے اقدامات دی لوڑھ اے، حکومتی سطح تے ڈیجیٹلائزیشن اقدامات کیتے ویندے پن، جیندے نال مشترکہ ڈیٹا پلیٹ فارم ٻݨاوݨ، بہتر فیصلہ سازی اتے سروس ڈیلیوری اچ مدد ملسی۔