سعودی ولی عہد شہزادہ محمد بن سلمان کوں پاک۔سعودیہ تعلقات دے استحکام اتے رابطے اچ نویں روح پاونڑ دے اعتراف اچ ملک دا اعلیٰ ترین سول اعزاز ”نشان پاکستان“ ڈتا گیا صدر مملکت ڈاکٹر عارف علوی ایوان صدر اچ منعقدہ پروقار تقریب اچ انہاں کوں اے اعزاز عطا کیتا

President Dr. Arif Alvi conferring Nishan-i-Pakistan upon Saudi Crown Prince HRH Mohammed bin Salman in Islamabad on February 18, 2019.

اسلام آباد ۔ 18 فروری (اے پی پی) سعودی ولی عہد شہزادہ محمد بن سلمان کوں پاک۔سعودیہ تعلقات دے استحکام اتے انہاں رابطے اچ نویں روح پاونڑ دے اعتراف اچ ملک دا اعلیٰ ترین سول اعزاز ”نشان پاکستان“ ڈتا گے ۔ صدر مملکت ڈاکٹر عارف علوی سنوارکوں ایوان صدر اچ منعقدہ پروقار تقریب اچ انہاں کوں اے اعزاز عطا کیتا۔ تقریب تقسیم اعزاز اچ وزیراعظم عمران خان وی شریک ہن ۔ایں موقع تے سعودی وفد دے اراکان ، چیئرمین سینٹ محمد صادق سنجرانی، سپیکر قومی اسمبلی اسد قیصر، وفاقی کابینہ دے اراکان ، چیئرمین جوائنٹ چیفس آف سٹاف کمیٹی، سروسز چیفس، سفراءاتے اعلیٰ عہدےداران وی موجود ہن۔ سعودی ولی عہد کو ں پاکستان دا اعلیٰ ترین سول اعزاز پیش کریندے ہوئیں آکھیا گے جو ”پاکستان اتے سعودی عرب وچال ہک زمانے توں برادرانہ تعلقات استوار ہن تے انہاں دی بنیاد تے اساڈے سانجھے دین، نظام اقدار اتے تہذیب و ثقافت اچ پیوست ہن۔ سعودی ولی عہد انہاں تعلقات کوں اپنڑی ذاتی توجہ تے سرپرستی نال ہک نویں زندگی عطا کیتی اے ۔محمد بن سلمان بن عبدالعزیز السعود ہمیشہ پاکستان دے سچے اتے مخلص دوست رہ گن ، حکومت پاکستان اتے عوام انہاں دے خلوص و محبت کوں دلوں منیندن۔ پاکستان دی اقتصادی اتے معاشرتی ترقی کیتے سعودی عرب دے فراخدلانہ تعاون کوں پاکستان دے عوام قدر دی نگاہ نال ڈیکھدن ، انہاں دی پوری حمایت پاکستان دے عوام اتے قیادت کیتے ہمیشہ قوت تے توانائی دا سبب رہی اے اور ہمیشہ یاد رہسی۔ ایندے توں پہلے سعودی ولی عہد شہزادہ محمد بن سلمان دے ایوان صدر پجنڑ تے انہاں دا بہوں پرتپاک خیر مقدم کیتا گیا ۔ سعودی ولی عہد محمد بن سلمان وزیراعظم عمران خان دے رلے روایتی بگھی اچ سوار تھی تے ایوان صدر پجے۔ صدر مملکت ڈاکٹر عارف علوی ایوان صدر دے مرکزی دروازے تے سعودی ولی عہد دا والہانہ خیرمقدم کیتا۔ ایں مو قع تے وزیر خارجہ شاہ محمود قریشی، وزیر اطلاعات فواد حسین چوہدری اتے اعلیٰ حکام وی موجود ہن ۔ رستے تے مختلف ثقافتی طائفے موجود ہن جیرھے جو مختلف صوبیں تے علاقیں دی ثقافت دی عکاسی کریندے پے ہن ۔ صدر مملکت ڈاکٹر عارف علوی سعودی ولی عہد محمد بن سلمان دے اعزازاچ ظہرانے دا اہتمام کیتا، جیں اچ وزیراعظم، وفاقی کابینہ دے ارکان، سروسز چیفس اتے اعلیٰ حکام شرکت کیتی۔

مضمون کا ماخذ : سامراا سپلٹ

متعلقہ مضامین