پاکستان ریلوے دا عید الاضحی تے پنج سپیشل ٹریناں چلاونڑ دا اعلان

لاہور۔14 اگست(اے پی پی ) پاکستان ریلوے دا عید الاضحی تے پنج سپیشل ٹریناں چلاونڑ دا اعلان کر ڈتے۔ریلوے دے ترجمان دے مطابق پہلی سپیشل ٹرین 19اگست کوںکوئٹہ توں سویلے ست وجے روانہ تھی کراہیں جیکب آباد، رحیم یارخان، ملتان ، لاہور اتے لالہ موسیٰ توں ہوندیں ہوئیں اگلے ڈینھ ڈوپہریں کوں ہک وج تے تریہہ منٹ تے راولپنڈی پجسی۔ڈوجھی سپیشل ٹرین 19اگست کوں کراچی سٹی توں ڈینھ ڈاہ وجے روانہ تھی کراہیں حیدرآباد، رحیم یارخان، ملتان ، فیصل آباد ،سرگودھا اتے نوشہرہ توں تھیندیں ہوئیں اگلے ڈینھ رات ڈاہ وج تے تریہہ منٹ تے پشاور کینٹ پجسی۔تریجھی ٹرین 20اگست کوں کراچی کینٹ توں ڈینھ یارھاں وجے روانہ تھی کراہیں حیدرآباد،روہڑی، خان پور، ملتان کینٹ اتے سانگلہ ہل دے راستے اگلی شام ست وج تے 15منٹ تے لاہور پجسی۔چوتھی ٹرین 21اگست کوں راولپنڈی توں سویل ست وجے روانہ تھی کراہیں حسن ابدال ،بوسال ، جنڈ، میانوالی ، دریاخان اتے مظفر گڑھ توں ہوندیں ہوئیں اگلے ڈینھ رات10وجے ملتان کینٹ پجسی۔پنجویں سپیشل ٹرین 26اگست کوں ملتان کینٹ توں سویل ست وجے روانہ تھی کراہیں مظفر گڑھ، لیہ ، کُندیاں ، میانوالی ، اٹک سٹی اتے حسن ابدال دے رستے اگلے ڈینھ رات 10وجے راولپنڈی پجسی۔

مضمون کا ماخذ : resultados loteria São Paulo

متعلقہ مضامین