اسلام آباد۔25اپریل (اے پی پی) وزیرِ اعظم محمد شہباز شریف اڄ خمیس کوں ایبٹ آباد دا دورہ کریسن اتے شہید کسٹمز انسپکٹر سید حسنین علی ترمذی دے گھر فاتحہ خوانی کریسن۔ خمیس کوں وزیراعظم میڈیا آفس توں جاری بیان موجب وزیرِ اعظم ڈیرہ اسماعیل خان اچ کسٹمز حکام تے دہشت گرد حملے اچ شہید تھیوݨ آلے کسٹمز انسپکٹر سید حسنین علی ترمذی دے ٹبر نال ملاقات وی کریسن۔ وزیرِ اعظم سمگلراں ولوں دہشت گرد حملیاں اچ شہید تھیوݨ آلے کسٹمز اہلکاراں کیتے خصوصی وزیراعظم پیکیج دا وی اعلان کریسن۔