تعلیم دے نال نال متعلقہ اتے مروجہ فنون دا سکھݨ ٻہوں ضروری اے ، صدر مملکت ڈاکٹر عارف علوی

اسلام آباد۔12اگست (اے پی پی):صدر مملکت ڈاکٹر عارف علوی تعلیم دے نال نال پیشہ وارانہ تربیت اتے ہنر دی اہمیت تے زور ݙیندے ہوئیں آکھیے جو تعلیم دے نال نال متعلقہ اتے مروجہ فنون دا سکھݨ ٻہوں ضروری اے ، وفاقی وزارت تعلیم و پیشہ وارانہ تربیت مختلف ہنراں دے ودھارے اچ اہم کردار ادا کریندی پئی اے ، ایں طرح ھکو سویں نصاب تعلیم دے حوالے نال وی وزارت اہم کردار ادا کیتے ، بدلدے ہوئے تقاضیں مطابق روزگار دی تلاش اتے ایں روزگار دے مطابق نینگراں کوں تیار کرݨ اساں کیتے اہمیت رکھیندے ، وفاقی وزارت تعلیم اتے ہائر ایجوکیشن کمیشن کوں مارکیٹ دی بنیاد تے تعلیم و تربیت دی فراہمی کیتے اقدامات دا سلسلہ جاری رکھݨا چاہیدے انہاں اے ڳال خمیس کوں اتھان نینگراں دے عالمی ݙینھ دے موقع تے کامیاب جوان پروگرام دے تحت ہائیرایجوکیشن کمیشن اچ کھیڈاں تے ہم نصابی سرگرمیاں اچ خصوصی ڈویژن دے قیام دی افتتاحی تقریب توں مہمان خصوصی دی حیثیت نال خطاب کریندے ہوئیں آکھی اے ۔ خصوصی ڈویژن دے تحت مختلف یونیورسٹیاں اچ کامیاب جوان پروگرام دے تعاون نال کھیݙاں اتے ہم نصابی سرگرمیاں کوں ودھارا ݙیوݨ کیتے پنج خصوصی پروگرام شروع کیتے ویسن ۔

مضمون کا ماخذ : لوٹیریا کا اطلاق

متعلقہ مضامین