وزیر خارجہ شاہ محمود قریشی دی اپنڑے کویتی ہم منصب نال ملاقات،ڈوہیں ملکاں وچال دوستانہ تعلقات اچ پیشرفت تے اطمینان دااظہار پاکستان کویت دے نال برادرانہ تعلقات کو ں ترجیح ڈیندے ، وزیر خارجہ شاہ محمود قریشی

اقوام متحدہ ۔ 25 ستمبر (اے پی پی) وزیر خارجہ شاہ محمود قریشی دی اپنڑے کویتی ہم منصب نال ملاقات اچ ڈوہیں ملکاں وچال دوستانہ تعلقات اچ پیشرفت تے اطمینان دا اظہارکیتا گے۔ وزیر خارجہ شاہ محمود قریشی دی کویت دے وزیر خارجہ تے نائب وزیراعظم شیخ صباح خالد الحمد الصباح نال اے ملاقات اقوام متحدہ دی جنرل اسمبلی دے 73 ویں اجلاس دے موقع تے تھی ۔ ملاقات دے بعد جاری اعلامیہ اچ ڈوہیں ملکاں دے تعلقات کوں مثالی قرار ڈتا گیا ۔کویتی وزیر خارجہ ایں گال تے زور ڈتا جو ڈوہیں ملکاں وچال سیاسی تے اقتصادی میداناں اچ تعاون سانگے موجود میکنزم تعلقات کوں مثبت سمت اچ اگی تے ودھنڑ سانگے مضبوط ادارہ جاتی بنیاد فراہم کریندے ۔انہاں سانجھے تعلقات کوں مزید ودھاونڑ دی خواہش دا اظہار کیتا تے آکھیا جو خاص طور تے توانائی دے شعبے اچ ڈوہیں ملکاں وچال تعاون دے بہوں سارے موقع موجود ہن ۔وزیر خارجہ شاہ محمود قریشی آکھیا جو پاکستان کویت دے نال برادرانہ تعلقات کوں ترجیح ڈیندے سانجھی دلچسپی دے امور تے سانجھے موقف خاص طور تے علاقائی امن تے سلامتی دے حوالے نال ہکو جہے نظریات ڈوہیں ملکاں وچال تعلقات دا اہم پہلو ہن ۔ پاکستانی وزیر خارجہ ایں موقع تے کویتی ہم منصب دی توجہ پاکستان اچ زراعت نال وابستہ صنعت ،ماہی گیری تے خام تیل دی تلاش سمیت بہوں سارے شعبے اچ سرمایہ کاری دے پاسے ڈیوائی تے آکھیا ویزے دے حوالے نال سہولتاں اچ اضافہ سانجھے تعاون کوں ودھا سگدے ۔کویتی وزیر خارجہ ایں موقع تے پاکستانی ہم منصب کوں کویت دے دورے دی دعوت ڈتی جیرھا انہاں قبول کر گھدی ۔

مضمون کا ماخذ : estatisticas para ganhar na loteria

متعلقہ مضامین