حکومت تریمت کوں معاشرے اچ عز ت ڈیونڑ سانگے کم کریندی پئی ہے ،حکومت پنجاب سرکاری نوکریاں تے تقرریاں اچ تریمتاں سانگے خصوصی کوٹہ رکھیا ہے ،ملک محمد اقبال چنڑ

لاہور۔26 فروری(اے پی پی ) صوبائی وزیر امداد باہمی ملک محمد اقبال چنڑ آکھیا ہے جو حکومت تریمت کوں معاشرے اچ عز ت ڈیونڑ سانگے کم کریندی پئی ہے اتے چنگی قنون سازی دے ذریعے تریمتاں سانگے حقوق دے تحفظ کوں یقینی بنڑایا ویندا پیا ہے ۔انہاں آکھیا جو تریمت کوں معاشی طور تے خود مختار بنڑا تے انہاں کوں معاشرے دا فعال رکن بنڑاونڑ سانگے پکے اتے پائیدار عملی اقدامات کیتے ویندے پے ہن ۔انہاں خیالاں دا اظہار انہاں تریمتاں دے وفد نال ملاقات اچ کیتا ۔صوبائی وزیر ملک محمد اقبال چنڑ آکھیا جو دین اسلام اچ تریمتاں کوں حقوق تے تحفظ ڈتاگیا ہے ۔تریمت دا وی فرض ہے جو او عملی زندگی سمیت بئے معاملات اچ مذہبی تعلیمات دے مطابق اپنڑاں کردار عمل اچ گھن آون ۔انہاں آکھیا جو پنجاب حکومت سرکاری نوکریاں تے تقرریاں اچ نہ صرف تریمتاں سانگے خصوصی کوٹہ رکھیا ہے بلکہ پنجاب پبلک سروس کمیشن دے انتظام سمیت بئے سرکاری نوکریاں اچ تریمتاں دی اہلیت اچ عمر دی شرط اچ توسیع کرتے ثابت کرڈتا ہے جو حکومت تریمت کوں ترقی دے دھارے اچ شامل کرنڑ سانگے پکے اقدامات کریندی پئی ہے ۔

مضمون کا ماخذ : لوٹیریا وفاقی

متعلقہ مضامین